Siglir tar il cuntegn

Header

audio
L'uniun da teater Trun durant l'emprova
RTR, Gionduri Maissen
laschar ir. Durada: 3 minutas 31 Secundas.
cuntegn

Trun: «Davos ils siat binaris»

Luniun da teater Trun gioga il conuschent toc da teater «Davos ils set binaris». Ma conuschent nè betg il toc da teater mabain il film svizzer «Hinter den sieben Geleisen».

Dapi nov onns nhai betg pli dà ina producziun da teater a Trun. Luniun da teater Trun valeva surtut la fin dals onns 80 e durant ils onns 90 sco in dals meccas dal teater en la Cadi. Ma la producziun dal toc da teater enconuschent il 2012 a chaschun dal giubileum da 100 onns da la viafier retica nèra betg vegnida realisada. Uss tschintg onns pli tard ha luniun chattà cun Linus Flepp finalmain in reschissur e cun Baseli Tomaschett in co-reschisur fitg engaschà.

Davos ils set binaris e Zarli Carigiet

E lura datti anc la istorgia enturn la rolla da Zarli Carigiet. Igl actur oriunds da Trun ha giugà en il film da Kurt Früh dal 1959 ina da las rollas principalas. Uschia è la rolla dal clochard Dürst ina da las rollas da parada da Zarli Carigiet. Uschia ha il toc da teater che sa basa per gronda part sin il film ina relaziun tut speziala per la populaziun da Trun, almain per la populaziun pli veglia chenconuscha il film, quai ha tant Linus Flepp sco era Baseli Tomaschett ditg.

Premiera e suenter pliras producziuns

La premiera dal toc da teater è la sonda ils 10 da november en la sala da cultura a Trun. Las ulteriuras producziuns han alura lieu las proximas duas fin demnas. La culissa dal toc da teater è vegnida planisada medemamain dal reschissur Linus Flepp.

Dapli da «Total local»

Scrollar a sanestra Scrollar a dretga