Siglir tar il cuntegn

Header

audio
Il runal natiral da Edi Hess.
RTR, H. Giger
laschar ir. Durada: 2 minutas 37 Secundas.
cuntegn

Sedrun: En Tujetsch datti in runal natiral

L'enviern passà èsi stà plitost in'emprova; quest enviern èsi serius. Edi Hess, il pur da Rueras, ha mess en funcziun ses runal natiral.

Per quel dovra el trais chavals, ina charrotscha ed ina suga. En quella fa el nufs per ch'ils uffants possian sa tegnair.

Duvrar in pau dapli ils chavals
El nizzegia ses prà per trair ils uffants in toc ensi; ed alura pon quels ir puspè engiu. L'idea da far quest runal saja vegnida avant dus, trais onns per duvrar in pau dapli ils chavals e per stgaffir in'attracziun ch'i na dettia nagliur auter, di Edi Hess. El haja plaschair ch'ils uffants giaudian sia purschida. Sco sia dunna Silvia di, sajan ils chavals endisads perquai ch'els train schlieusas e la stad ina charrotscha.

Uffants e geniturs giaudan
Quai di che RTR è stà sin il plaz tranter Rueras e Dieni eran diesch uffants da la scolina e da la terza classa là. Ins ha vis ch'els ed era lur geniturs giaudan quest runal natiral.

Dapli da «Total local»

Scrollar a sanestra Scrollar a dretga