Siglir tar il cuntegn

Header

audio
En Frantscha porta il protest la colur melna.
Keystone
laschar ir. Durada: 4 minutas 24 Secundas.
cuntegn

Ils «Gilets jaunes»

Dapi mez november demonstreschan persunas en vestas melnas sin las vias en Frantscha. Ellas pretendan in augment da las pajas e rentas sco er che las taglias vegnan sbassadas.

Blers lavurants en Frantscha èn frustrads, perquai ch'i na resta la fin dal mais strusch insatge da lur pajas. Enstagl d'augmentar las pajas vegnan auzadas las taglias. Uschia ha la regenza franzosa annunzià taglias pli autas sin benzin e diesel. Dapi lura van mintga fin d'emna millis da persunas sin las vias a Paris ed en autras citads franzosas per demonstrar. Ils demonstrants portan vestas melnas. Quellas duain simbolisar lur malcuntentientscha cun la politica dad Emmanuel Macron ed il sistem en Frantscha.

Enfin uss han ils cravals chaschunà donns materials da milliuns francs. Er il commerzi ed il turissem annunzian perditas da svieuta da 15 fin 25%.

Dapli da «Il chavazzin dal di»

Scrollar a sanestra Scrollar a dretga