Il cumpliment da quest'emna va a Alfonsa Schütt da Lausen en il chantun Basilea-Champagna. Tramess il cumpliment ha la sora da Valchava, Giovanna Mollinaro. Ella engrazia per tut quai ch'ella haja gia fatg e fetschia anc adina per ella.
Faschai er part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar a RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.
