Decoraziun u dapli? In nov mosaic vi da la Chasa federala chaschuna polemica
La Chasa federala a Berna duai survegnir l'onn che vegn, per il 175avel anniversari da la Constituziun federala, in nov accent cun art moderna sin la fatschada. Concret è planisà in mosaic abstract en il triangul gist sut il tetg a piz – en l'uscheditg fruntaspiz (Giebelfeld).
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
In mosaic cun 246 plattinas/quadrels da cheramica – per mintga plazza en il Cussegl federal e naziunal ina plattina. Questas plattinas glischan en il sulegl en las diversas colurs beige-verdas dal crap da sablun da la Chasa federala. Ma quest mosaic da l'artista Renée Levi da Basilea chaschuna grondas discussiuns en la chapitala da la Svizra.
Dovra la Chasa federala suenter 120 onns ussa propi anc in element nov sin la fatschada? È quai be decoraziun u dapli? E chapescha la glieud insumma il mosaic abstract?
