Mintga quatter onns ha la Festa federala lieu da la musica populara. Suenter Cuira 2011 ed Aarau 2015 ha la 13avla lieu questa fin d'emna a Crans-Montana.
La festa populara cun 15 tribunas da musica, las represchentaziuns da valitaziun en 5 localitads, la saira da gala ed il cortegi da dumengia cun 40 sujets èn ils puncts culminants. Ils organisaturs spetgan 1'000 musicantas e musicants ed 80'000 visitadras e visitaders. L'Artg musical directamain da Crans-Montana porta impressiuns da quest grond event svizzer en tun popular.