Siglir tar il cuntegn

Header

audio
VW in dals pli gronds concerns d'automobils.
Keystone
laschar ir. Durada: 3 minutas 35 Secundas.
cuntegn

Il concern Volkswagen

Ina dals concerns ch'è involvì en in scandal da diesel è VW. VW è il pli grond producent d'autos en l'Europa ed in dals pli gronds dal mund.

La producziun d'autos da VW va enavos sin il temps avant la segunda guerra mundiala. Da lez temp ha Adolf Hitler pretendì in auto per il pievel – pia in «Volkswagen». In che ha plaz per ina famiglia, ch'è adattà per l'autostrada, che dovra betg memia bler carburant e che po tegnair il tempo da 100 kilometers per ura.

Wolfsburg è naschì entras VW

Suenter che Ferdinand Porsche aveva producì in tal auto è quel vegnì reproducì durant il temp dal naziunalsocialissem. Il 1937 èsi vegnì fundà e bajegià sper Fallersleben l'ovra da Volkswagen. Pir pli tard è la citad da Wolfsburg lura naschida en quest lieu. Uschia che Wolfsburg ch'è oz il lieu d'origin da VW è creschì cun il success dal concern d'automobils.

Grond success enfin il 2015

Dapi la fundaziun ils onns trenta è la fatschenta creschida. VW ha surprendì differentas autras marcas d'auto sco Skoda, Porsche u er Bentley. Plinavant è il concern s'extendì sin l'entir mund. Enfin il 2015 pia ina fatschenta da success. Lura è il concern stà en las medias, pervi da manipulaziuns da tests d'emissiuns en connex cun il scandal da diesel. Sco consequenza da quai ha VW stuì chalar da producir tscherts models ed ha relaschà var 30'000 persunas sin l'entir mund.

Dapli da «Il chavazzin dal di»

Scrollar a sanestra Scrollar a dretga