Siglir tar il cuntegn

Header

audio
La nova primministra avant la 10 Downing Street.
Keystone
laschar ir. Durada: 3 minutas 25 Secundas.
cuntegn

10 Downing Street

Number 10 Downing Street, quai è l'adressa dal primminister da la Gronda Britannia. Questa via sa chatta amez Londra, be pacs pass dal parlament.

La 10 Downing Street è ina pitschna chasa en lingia amez ina via tut normala. Cumpareglià cun las residenzas dal president american ni franzos ina chasa fitg mudesta.

George Downing: Bajegià la via ha George Downing. Quel ha vivì il 17avel tschientaner. Downing era schuldà e diplomat. Sco renconuschientscha per ses merits ha el survegnì dal retg Charles II in toc terren. Las chasas damanaivel dal parlament duevan esser per persunas da buna qualitad.

Sedia dal primminister: La chasa numer 10 da la Downing Street vegniva duvrada dapi il 1735 sproadicamain sco sedia dal primminister. Dapi il 1902 è la chasa la sedia permanenta. Las stanzas privatas sa chattan en la quarta auzada. Las stanzas sut èn per represchentar e reschaiver giasts.

Via betg dal tut normala: Dapi il 1986 datti grossas portas d'atschal a l'entrada da la Downing Street. Il 1991 han terrorists da la IRA tuttina attatgà Downing Street number 10 cun ina granata. Dapi lura e cunzunt dapi ils 11-09-2011 èn las mesiras da segirtad vegnidas rinforzadas. L'isch-chasa pon ins avrir be da dadens ed ella n'ha nagina fora-clav dador.

Dapli da «Il chavazzin dal di»

Scrollar a sanestra Scrollar a dretga