Andreas Nikolaus «Niki» Lauda è naschì ils 22 da favrer 1949 a Vienna. Sia carriera en la furmla 1 ha el cumenzà l'onn 1971. Durant ses 14 onns carriera da furmla 1 ha el gudagnà trais campiunadis mundials e 25 cursas.
Niki Lauda ha adina puspè gì da sbatter cun sia sanadad. Cunzunt pervia da ses accident l'onn 1976 durant il Gran Prix a Nürnberg. Là ha l'Austriac pers la controlla sur ses Auto ed è cupitgà. Perquai che ses auto ha entschet a brischar è l'accident anc oz enconuschent sut il num «enfiern verd». Niki Lauda è sin quai stà quatter dis en il coma. Ed era schi veseva ora mal per il pilot da cursa – mo 42 dis pli tard era Niki Lauda gia a la partenza dal proxim Grand Prix a Monza.
L'onn 1985 ha el terminà sia carriera sco pilot da cursa. Pervia da ses accident ha Niki Lauda gì ina transplantaziun dal lom l'onn passà, da quella operaziun sa revegn l'um da 70 onns anc oz.
