Ricky Martin: «La copa de la vida»

Chanzuns per eveniments da sport pon er avair effects positivs per la carriera. Ricky Martin ha gì la fortuna da pudair chantar la chanzun per ils champiunadis mundials da ballape dal 1998 en la Frantscha. Quai n'è però betg stà ina chanzun per franzos, quai è «La copa de la vida», ina cumposiziun da Luis Gómez Escolar, Desmond Child e Draco Rosa. Ricky Martin era sut squitsch, pertge el vuleva far ina chanzun plain emoziuns e temperament latin che plascha als fans da ballape. E quai è gartegià: El ha fatg ina da las meglieras chanzuns da ballape cun text englais e spagnol e cun in video fulminant – e cler: la chanzun ha cuntanschì la parada da hits en 60 pajais.