Quest emna survegn Giovanna Demont in cumpliment, numnadamain da ses figls Reto ed Angelo Demont. Els tramettan tras las undas dal Radio Rumantsch in grond grazia fitg a Glion – per tut quai chella ha fatg durant tut ils onns, la benedicziun da Dieu, tut il bun per il futur ed in bel di da la mamma.
Faschai era part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.