Siglir tar il cuntegn

Header

audio
FARC - Fuerzas Armadas Revolucionarias de Colombia
Keystone
laschar ir. Durada: 2 minutas 56 Secundas.
cuntegn

FARC - Fuerzas Armadas Revolucionarias de Colombia

Ils rebels da la FARC e la regenza columbiana han chattà ina cunvegna da pasch. Quest contract duai far fin al pli lung conflict armà en l'America dal sid.

La FARC è ina gruppa da rebels orientada a sanestra. Las ragischs da la FARC van enavos en ils onns 50 tar la guerra civila en la Columbia. La FARC controlla divers territoris en Columbia e ha la detta en il commerzi da drogas. L'organisaziun sa finanziescha tranter auter culs affars da drogas. En il rom da la cunvegna da pasch empermetta la FARC dentant da cumbatter il commerzi da drogas.

Suenter passa 50 onns saja la guerra a fin, han fatg a savair ils delegads dad omaduas varts en la chapitala cubana Havanna. Là han els negozià sur prest 4 onns ils detagls da la cunvegna che duai vegnir suttascritta il settember. E l'entschatta d'october ston lura anc ils Columbians vuschar en chaussa.

Tar ils cumbats tranter l'armada, ils rebels da la sanestra ed il paramilitar dretg èn vegnidas mazzadas passa 220'000 persunas ils ultims 50 onns.

Dapli da «Il chavazzin dal di»

Scrollar a sanestra Scrollar a dretga