Stromae è naschì il 1995 a Brüssel. Sia mamma è da Belgia e ses bab da Ruanda. El ha gia adina mussà ses sentiments cun far musica. Cun sia emprima single dil 2009 «Alors on Dance» ha el lura gì success internaziunal. Dus ulteriurs hits ha el lura publitgà 4 onns pli tard: «Formidable» e «Papaoutai».
Pervia d'in medicament encunter Malaria ha Stromae gì attatgas da panica avant 3 onns. Perquai evitescha el anc adina lieus publics. Sch'il Beltg turna insacura sin tribuna è anc avert.
