Curo

Ils chalenders rumantschs menziunan oz tuts l'onomastic Bonifazi, sulettamain il Chalender LFadin cuntegna sco num protestant anc il prenum Curo. Quai è ina da las varsaquantas furmas che Conrad ha generà en rumantsch, sper Conradin, Curdin, Curdegn e Curau. E quantas schlattainas che derivan da quest num! Dals Condraus enfin als Kuratles, Könzs, Conzetts e Conzetti cumpiglian quellas l'entir Grischun.

Cunquai ch'il zercladur ha entschet, vulain nus anc ans dumandar, pertge che quest mais sa numna en tudestg «Brachmonat». Tgi enconuscha anc ils terms rumantschs gir, giraun u giranc?