Tenor l'organisaziun mundiala per meteorologia èsi lura ina unda da chalira, sche la temperatura la pli auta dal di surpassa per tschintg grads e per passa tschintg dis la temperatura media mesirada tranter ils onns 1961 e 1990. La Svizra lavura er cun in index – ina tabella che mussa cura ch'igl è ina unda da chalira ubain cura che la chalira e schizunt in privel.
Simptoms da chalira èn per exempel sturnizi, mal il chau ubain er in culp da chalira. L'onn 2003 hai schizunt dà ina per 7% pli auta mortalitad tar persunas sur 65 che vegn attribuida a la chalira. Per evitar ch'ins piteschia sut la chalira èsi da reducir activitads corporalas e baiver, baiver baiver...