Cun 4 onns ha Yehudi Menuhin survegnì sia emprima violina, cun 10 onns ha el gia concertà a New York en la Carnegie Hall e la Manhattan Opera. "Art sto daventar per l'artist uschè lev e natiral sco per l'utschè da sgular", ha el ditg ina giada.
Menuhin ha festivà blers success sin l'entir mund, dentant cun ses engaschi politic ha el era stediamain provocà critica. Uschia è el stà l'emprim musicist gidieu renumà che ha puspè sunà en la Germania, suenter la segunda guerra mundiala. E quai en in anteriur champ da concentraziun. La finamira da Yehudi Menuhin era, da midar il mund cun sia musica.
Yehudi Menuhin
El era in dals pli gronds violinists da l'ultim tschientaner. El n'èra dentant betg mo in musicist extraordinari, el cumbatteva era per pasch e toleranza ed oz pudess el festivar ses 100avel anniversari.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter