Durant ils onns 80 era il pop da sintetisader fitg popular en la Gronda Bretagna, cun band sco Ultravox, Visage ubain Soft Cell. Ina da las bands las pli extraordinarias en quel reguard era OMD, il «Orchestral Manoeuvres in the Dark», fundà il 1978 a Londra dad Andy McCluskey e Paul Humphreys. Il num da la band era gia in pau extravagant, e pir lur musica. Il 1982 èn els cun lur toc «Maid of Orleans» a la testa da las paradas da hits, e quai ha surprais il mund da musica.
Lur firma discografica era stada da l'avis che lur musica saja memia cumplitgada e lura tractian els anc ina figura istorica, l'eroxa franzosa Johanna d'Orléans, executada il 1431 dals englais. Ils managers èn sa sbagliads. Il toc ipnotisond ed ester cun tamburs, chors, blers sintetisaders en in ritmus da valzer, ha gì in effect surprendent. El è daventà il toc cun il pli grond success dal 1982.
