Siglir tar il cuntegn

Header

audio
Betg tut las victualias pon vegnir schalentadas tuttina ditg.
Mad
laschar ir. Durada: 4 minutas 2 Secundas.
cuntegn

Schelentar e sdreglientar endretg victualias

Cun schelentar las victualias pon ins conservar questas sur plirs mais. Ma betg tut las victualias pon ins schelentar tuttina ditg.

Tar la charn datti ina regla: Pli magra la charn e pli ditg ch'ella po vegnir schelentada. Charn vadè p. ex. pon ins schelentar diesch fin dudesch mais. Charn da portg ubain pulaster tegnan quatter fin set mais en la schelentera.

I è impurtant da betg sdreglientar la charn cun temperaturas da chombra ubain schizunt sin pigna. Uschiglio sa furman bacterias ed en il mender cas Salmonellas.

Perquai èsi da sdreglientar la charn plaunsieu en frestgera. Ella duai esser cuverta cun in viertgel en in vasch ubain pachetada en folia. Sch'i fa prescha, lura pon ins era pachetar la charn schelada en in satget e serrar bain quel e metter tut en aua stgaudada. Impurtant è dentant da cuschinar la charn ed il pulaster immediat suenter ch'ella è sdreglientada.

Tabella per schelentar victualias tenor www.gefrierschranktest.eu

Dapli da «Co e cum»

Scrollar a sanestra Scrollar a dretga