Untervaz, Mustér e Falera - ils trais lieus da concert dals giuvenils da Lemberg sut la batgetta da Simon Camartin. Flurina Sarott da Scuol (violina) ed il giuven da 12 onns Stepan Syvokhyp da Lemberg (oboa) èn stads ils solists. L'Artg musical preschenta parts dal concert che RTR ha registrà ils 29 da december 2017 a Falera.
Nus udin tranter auter musica dals Strauss da Vienna, il concert per oboa ed orchester en D-Dur, op. 7/6 da Tomaso Albinoni, la Romanza per violina ed orchester en f-moll, op. 11 d'Antonin Dvorak e da Pablo de Sarasate Zigeunerweisen op. 20 per violina ed orchester.