Son Martin

Il november vegn era numnà il mais da Son Martin. Son Martin è in sontg fitg popular; ed ils 11-11 è il di da Son Martin, in di fitg impurtant. Il num Martin vegn dal dieu roman da la guerra: Mars. Son Martin era bain in schuldà roman, dentant in cun cor. El ha regalà la mesadad da ses mantè ad in pauper. E quest maletg cun Son Martin sin il chaval ha er chattà la via sin differentas vopnas.