Siglir tar il cuntegn

Header

audio
Grazia al messadi che cumpara sin il visur sa il chattader contactar il possesur dal telefon pers.
Keystone
laschar ir. Durada: 5 minutas 57 Secundas.
cuntegn

Digitip – Tips per survegnir puspè il telefonin pers

Cun in messadi ch'ins po tramtter sin l'agen telefonin èsi pussaivel ch'il telefonin pers vegn pli tgunsch e pli svelt enavos tar il possessur.

Download

Cura ch'il telefonin è pers èn ins avisads sin in chattader sincer. Sch'ins trametta in messadi sco «Hallo, ti has chattà mes telefonin. P. pl. ma contactescha sin il suandant nummer» sin l'agen telefonin po quai animar il chattader da dar enavos el.

Ed uschia sa il chattader prender si contact cun il possessur malgrà ch'il smartphone è bloccà cun in pled clav.

Co funcziuna quai?

Cun in Android pon ins s'annunziar a chasa cun il conto da google e trametter quest messadi u in sumegliant cun cliccar sin l'opziun «Smartphone finden».

Tar il sistem d'iOS pon ins s'annunziar en l'iCloud cun l'Apple ID ed eleger «find» e lura pon ins er là trametter il messadi, stgalinar u er bloccar il telefonin. Quai fa senn sch'il telefonin è propi pers.

Quest messadi cumpara lura sin il visiur. Il chattader sa lura contactar quel ch'ha pers il telefonin. Dar enavos l'object pers è lura er pli simpel cunquai ch'ins po fixar la surdada individualmain e senza birocrazia.

Dapli da «Tips, trics e tacs»

Scrollar a sanestra Scrollar a dretga