Ina vusch vibranta, sgaranta ed explosiva, plain passiun e sensualitad - quai era la chantanta americana Janis Joplin, naschida ils 19 da schaner 1943, morta ils 4 doctober 1970 cun be 27 onns.
Ella ha marcà il rock dals onns fundativs ed è restada in monument musical enfin ils dis dad oz. En sia curta discografia figureschan sgratta-ureglias sco «Try (just a little bit harder)» ubain «Move Over», ma er balladas sublimas sco il «Summertime» da George Gershwin ubain la nunemblidabla «Me And Bobby McGhee» da Kris Kristofferson.