En il sid dals Stadis Unids è naschida la musica da gospel, blues e country. Però fin en il 19avel tschientaner era quai er il center da la sclavaria e da la segregaziun da las razzas. Neil Young aveva crititgà il principi dals onns 70 quest rassissem en sia chanzun «Southern man».
Il 1974 datti ina reacziun da la band Lynyrd Skynyrd. En lur chanzun «Sweet Home Alabama» fan els a savair ch'ils stadis dal sid na dovran sias admoniziuns: «Well I heard mister Young sing about her – Well, I heard ole Neil put her down». Quai che para dad esser ina nauscha cuntroversa tranter musicists n'è però betg fitg serius. Ronnie van Zandt, il chantadur da Lynyrd Skynyrd ha manegià ch'els hajan grond respect per Neil Young. E «Sweet Home Alabama» è er daventà la chanzun clav per la band.
