The Turtles: «Happy Together»

In duo da cumponists scriva ils onns sessanta ina chanzun e registrescha in demo – ina platta single, pia vinil. Quella platta dattan els en circulaziun a labels e producents da musica per pruvar da chattar ina band ch'avess gust da surpigliar questa chanzun e producir ella. 12 bands han tadlà e tadlà e la finala tuttina ditg na. Enfin ch'il demo è arrivà tar ils Turtles. Lezs eran intgantads da la chanzun. Mo ch'els na pudevan strusch pli tadlar ella! Perquai che la platta era talmain isada da las giadas ch'ella è vegnida tadlada.