Quai suenter che l'emplenida d'idrogen è sinflammada. Perche che quella è s'inflammada n'è betg clar, dentant las teorias van or d'ina stgargiada electrica. Il volumen da la Hindenburg muntava a 200'000 meters cubic. Quai è bunamain uschè grond sco la Titanic.
Il skelet da la Hindenburg era da aluminium, enturn quel ina taila da mangola e glin surtratga cun in lac spezial. Ell'aveva 25 cabinas da durmir cun 72 letgs e lavabos cun aua chauda e fraida, ina sala da mangiar, ina stanza da scriver e leger, bar, tualettas e cuschina.
Per traversar lAtlantic duvrava la Hindenburg en media 59 uras. Ella sgulava cun ina sveltezza da 100 fin 150 kilometers per ura.
L'accident da la Hindenburg ha annunzià la fin dal traffic da zeppelins. Suenter n'hajan ins betg pli gì tanta fidanza en zeppelins. Er la secunda guerra mundiala ha bittà ina sumbriva sin ils zeppelins. Cunquai ch'eroplans avevan dapli niz per la guerra han ins sviluppà enavant quels e betg pli ils zeppelins.
