Il cumpliment da quest'emna va a Monica Stadler da Mustér. Tramess il cumpliment ha la mamma Annj Foppa medemamain da Muster. Ella engrazia a sia figlia per tut il bun ch'ella fa per l'entira famiglia.
Faschai er part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar a RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.