Infurmaziuns davart temp liber, transport public, daners u er cas d'urgenza èn da chattar sin l'applicaziun. Pia las infurmaziuns essenzialas sch'ins è zanua da viadi en l'exteriur. L'app porscha dentant mo infurmaziuns tar pajais ch'èn en l'Uniun europeica. Plinavant è l'app plitost adattada per persunas pli giuvnas. I dat numnadamain blers tips en connex cun ir en sortida, cura ch'ins dastga baiver alcohol u fimar cigarettas.
In grond plus da l'app è er ch'ins po duvrar ella offline – pia ideal per viadis a l'exteriur.