Robert Smith da la band «The Cure» è ina persuna cun in'apparientscha tut atgna. Vestgì en nair, frisura sbariffada e lefs colurads. Quai ha er da far cun lur musica, cun il gothic rock, sound alternativ e post punk. In da lur pli gronds hits è ina chanzunetta da pop in pau naìva. Cur che Robert Smith scriva la chanzun ha el però in problem, schizunt panica. El ha numnadamain l'impressiun d'avair engulà la melodia, senza vulair, e va tar ses collegas da la band per savair sch'els hajan gia udì questa chanzun. Nagin ha enconuschì la melodia, e «The Cure» ha registrà «Friday I'm in love» ch'è daventà lur pli grond hit mundial.
The Cure: «Friday I’m in love»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
