Julia Fiona Roberts è vegnida enconuschenta sco actura en la romanza «Pretty Woman» l'onn 1990. Suenter èn suandads auters films da success sco Ocean's 11 e 12, Notting Hill u Erin Brockovich. L'onn 2000 ha ella survegnì l'Oscar sco meglra actura principala en Erin Brockovich. Ella ha dentant er gì intginas rollas da flop.
Privat è Julia Roberts uss ventiraivla cun ses um Daniel Moder. Ensemen han els trais uffants en la vegliadetgna da 13 e 10 onns. Avant era Roberts dentant schon stada maridada ina giada. Plinavant è ella er stada spusada ina giada e curt avant las nozzas ha ella dentant laschà seser ses spusà.
