Ils 5 d'avust 1985, pia uss avant 35 onns, è mort Benedetg Dolf. Benedetg Dolf, in dals gronds umens da la musica indigena – cumponist da passa 1'500 ovras, magister da clavazin ed orgla al Seminari da scolasts a Cuira, teolog, intellectual da chasa tant en la litteratura sco er en l'art pictural – el è naschì ils 13 d'avust 1918 sco figl da Berta e Tumasch Dolf-Plattner che abitavan a Ziràn.
E là en la sumbriva da la renumada baselgia da Ziràn è el er vegnì sutterrà l'entschatta d'avust 1985. L'Artg musical sa regorda da quest cumponist da la Val Schons bunamain emblidà.