Il cumpliment dad oz vegn da Olga Prevost. Ella engrazia a las tschintg bibliotecaras da Sent - Elisabeth, Leta, Gaby, Nesa e Linda - per lur lavur e lur cussegliaziun. Ellas s'engaschian fermamain a la buna lectura per pitschen e grond, e perquai engrazia Olga Prevost ad ellas en il num da tut ils abitants dal cumün da Sent.
Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.