Dunna Marcella è naschida il december da l'onn 1920. Quest onn accumplescha ella 95 onns. En la Marella faschain nus ina via enavos, turnain en sia uffanza e main pass per pass tras sia vita. Nus tschertgain il fil cotschen, temas che sa repetan ed in titel per 95 onns vita en l'Engiadin'Ota. La dunna, ussa fina e fragila, raquinta da ses emprim scolast Artur Caflisch. Ella sa regorda co ch'ella ha passentà il temp da guerra. Alura fa dunna Marcella in pèr ponderaziuns sur dal esser dunna e mamma ils onns 50 e 60 en l'Engiadin'Ota, raquinta da sia lavur schurnalistica, litterara ed era da ses engaschi politic. Dunna Marcella ha vivì ina vita plaina e colurada. En la Marella lascha ella participar nus a lezza e quai sa regurdond.
Redacziun: Chatrina Gaudenz
Marcella Maier vegn 95
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
