Il musicist e chantadur talentà da la Nova Zelanda, Pauly Fuemana, ha ina band cun il num extravagant «OMC» (Otara Millionaires Club). Il 1996 han els in hit nunspetgà, ina coola chanzun che fusiunescha beats moderns cun soul da la Polynesia e ghitarras e trumbettas à la mexicana. La chanzun «How Bizzare» è in success mundial e Pauly Fuemana, il chantadur e cumponist daventa in star – e fa enorm blers raps. La ritgezza na maina pero a nagina fortuna. La band na po betg repeter il success, e Pauly Fuemana giauda la vita da milliunari e sia facultad lieua sco la naiv en il desert, ed il schaner dal 2010 mora el pervi d'ina malatia da las nervas ch'i dat be darar. El aveva 40 onns.
OMC: «How Bizzare»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter