Avant 50 onns po la firma Boeing far l'emprim sgol cun la Boeing 747. Pervia da sia dimensiun e sia goba tipica survegn l'eroplan bainprest il surnum Jumbo Jet. Sviluppar quest elefant, il pli grond aviun da passagiers, è stà in ristg per la firma Boeing. Il 1969 n'eri betg segir che las societads aviaticas hajan interess d'in aviun da tala grondezza. Il Jumbo è daventà in success. Passa 90 societads aviaticas han cumprà il tip d'aviun, passa 1540 exemplars ha Boeing producì fin oz. L'era dals Jumbos para d'ir a fin suenter tschintg decennis. Ils eroplans che porschan plaz a passa 360 passagiers, èn ozendi memia gronds per las societads aviaticas che ston esser flexiblas.
Jumbo Jet
Ils 9 da favrer 1969 sgola la Boeing 747 per l'emprima giada.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter