En 18 lieus porscha la «Schweizer Tafel» a mintgin in plat schuppa chauda. La schuppa na saja dentant betg mo ina simpla buglion. Plirs cuschinunz e cuschinunzas da restaurants ed hotels renumnads hajan fatg quella. Vinavant stan prominents e prominentas da politica, medias e cultura en acziun cun il chaz. Sper repartir in past chaud vul la «Schweizer Tafel» dentant er rimnar raps.
Mintga di rimna l'organisaziun caritativa var 16 tonnas mangiativas e repartan quellas a canortas u mensas socialas. Quai custa dentant. Perquai ch'els sa finanzieschan surtut da donnaziuns, emprovan els cun il di da la schuppa naziunala far attent sin lur lavur.
