Tecnicamain datti actualmain bler meglras pussaivladads per tadlar musica che cun las cassettas ch'eran popularas ils onns 1970 ed 80. Tuttina han las cassettas in tschert scharm e per quels e quellas che vulan puspè ina giada badar quest charme e pensar vi da pli baud, datti apps che simuleschan cassettas e laschan rodlar las spolas. Il digitip dad oz preschenta duas da quellas.
- Magnetola è ina app che simulescha cassettas per iPhone u iPad. La app mussa sin il visur dal telefonin in recorder da cassettas a la veglia. Ils buttuns guardan or sco sin ils apparats vegls e cun smatgar quels datti er ils medems tuns sco pli baud. Ed ils gronds nostalgichers pon schizunt midar il sound, che la musica tuna sco avant onns or dad in recorder vegl.
- Casse-o-player è la app per Android. Quella mussa sin il visur in recorder da cassettas in pau pli modern gia. In bel detagl è ch'ins po tscherner il look da las cassettas.
Omasduas apps èn natiralmain plitost in gag per nostaglichers, ma in gag ch'i dat gratuit.
