Sco missiunar è Waldemar Bonsels stà per in onn en l'ost da l'India. La lavur dals missiunars na plascheva betg ad el ed el era fitg critic e ha scrit quai en ina brev averta. Suenter era el reporter en l'emprima guerra mundiala.
Waldemar Bonsels era maridà duas giadas e cun mintga dunna aveva el dus figls. Pli tard ha el gì ina amia e cun quella anc in figl. Vivì ha Bonsels adina en Germania, cun interrupziun da l'onn sco missiunari, cura ch'el ha vivì en l'ost da l'India. Però el è viagià fitg bler enturn il mund per preleger ses cudeschs. Pel pli en Europa ed en America.
L'autur da la «Biene Maja» era enconuschents sco antisemit ed aderent dals naziunalsocialists. Durant la segunda guerra mundiala ha el era scrit per la gasetta da propaganda dals naziunalsocialists «Münchner Feldposthefte». Suenter la segunda guerra mundiala è la litteratura da Bonsels vegnida scumandada en las zonas d'occupaziun dals americans ed ils englais.
L'onn 1952 è Bonsels mort en la vegliadetgna da 72 onns.