La «populara» dal Radio Rumantsch è deditgada ad ina persunalitad marcanta da la musica grischuna e svizra. In musicant, cumponist, arranschader e purtader da la clav da violina d'aur: Domenic Janett.
El è naschì ils 12 da fanadur 1949 a Tschlin e po festegiar ses 70avel. Nus gratulain cun in'emissiun da musica populara. Vus udis a Domenic cun sias differentas chapellas e furmaziuns – e nus tadlain er co che autras chapellas interpreteschan sias cumposiziuns che cuntegnan savens elements nunspetgads ed in surrir.
Ed el raquinta er dapli da sia vita, ses engaschaments e sias passiuns.
