Da racoltar maila èsi d'esser attent e far quità, ha declerà Marco Frey, cussegliader da puma al Plantahof. I dat differentas chaussas da resguardar:
- Maila na pon vertir nagin squitsch. Frey controllescha perfin mintga bun'ura las unglas da ses collavuraturs, per ch'i na smatgian betg en la maila memia fitg. Quai dat taccas.
- Il mail è fitg sensibel er cumpareglià cun auters fritgs. Maila è pli sensibla anc che ovs. I dependa er da las sorts. «Grafensteiner» è pli sensibel che «Gala».
- Madir è il mail cura ch'ins po volver el per 90grads vid la planta. Quai è in bun indicatur.
- Cura ch'il fritg è racoltà duess ins metter quel entaifer da 24 uras en in salv frestg cun ina temperatura da sut 2 grads. Quai fraina il process da medirezza ed uschia resta el pli ditg bun.