Fin uss n'èri insumma betg pussaivel da reciclar ils pacs da bavrondas da chartun. La nova maschina cun il num «Fibre Evolution» è abla da separar las fibras da palpiri d'alumini e dal plastic ch'èn dadensvart da quests pacs, per ch'i saja insumma pussaivel da metter en liquids. Co quai funcziuna exact na vul la firma betg tradir.
En mintga cas tanscha la capacitad da la nova maschina per reciclar bunamain quatter giadas tants pacs da chartun sco quai che Svizzers e Svizras dovran en in onn. Quai èn numnadamain 20'000 tonnas ad onn.
