«Waka Waka» da Shakira, la chanzun per il campiunadi mundial da ballape 2010 en l'Africa. Ina chanzun cun ina lunga istorgia. La versiun da Shakira, interpretada sco chanzun da saut per motivar e far plaschair a la glieud durant il campiunadi ha tut autras ragischs.
Waka Waka è ina chanzun populara africana. Quella chanzun vegniva duvrada da la schuldada sco chanzun da marschar durant las guerras mundialas. 40 onns pli tard ha la gruppa africana «Golden Sounds» duvrà la chanzun populara e dà il titel «Zangalewa». Quella versiun era dentant ina satira vers las guerras mundialas ed ils uffiziers africans.
