Chattar ina u in reverenda n'è betg simpel. Da las scolas autas na vegnan betg avunda forzas giuvnas e da lautra vart dal spectrum s'avischinan divers reverendas a lur pensiun. Ina situaziun che na chaschuna betg be mo ad ina pravenda rumpatesta.
La pravenda da Langenthal ha empruvà dad ir novas vias. Ella ha tschertgà questa primavaira in «community manager». Surprendenta n'era dentant betg be la denominaziun innovativa per la lavur dad in reverenda, ma er la furma da l'inserat: La pravenda da Langenthal ha tschertgà via medias socialas ed in podcast sur Spotify.
Il reverenda Stephan Bösiger, enconuschent da ses pleds sin via per Vita e cretta, raquinta questa dumengia davart il community manager en servetsch da Dieu – e davart il success, che l'acziun insolita dad ils da Langenthal ha gì.
