Ursina Giger ha gia fatg gronds pass, pliras giadas. Per exempel cura ch'ella ha bandunà la Svizra ed è ida a star per in onn a Kopenhagen. Quel temp ha gì grond'influenza sin sia musica, e la melancolia nordica accumpogna suvent sias chanzuns. Bandunar, laschar enavos, avair il spazi per cumenzar insatge nov.
Da quella situaziun raquinta ella er en sia pli nova chanzun: «Behind us». Ed a la fin datti ils ultims pass sin il piz d'ina muntogna, cun ina nova vista. Quai vegn ad esser il disc nov d'Ursina che cumpara lura il schaner.
