Mo sulet paucs restaurants survegnan blers puncts, nundir stailas. Ma co funcziuna il sistem da valitaziuns e co pon ins alura chattar las ustarias premiadas en il Grischun?
Il «Guide Michelin» reparta stailas
ina * – ina fitg buna cuschina, chha merità l'attenziun dals osps.
duas ** – ina excellenta cuschina, che ha merità ina visita.
trais *** – ina da las meglras cuschinas insumma.
En Svizra datti actualmain 118 restaurants che dastgan purtar stailas. 96 han ina staila, 19 han duas stailas, e trais han trais stailas.
In da quels trais restaurants è il restaurant «Schauenstein» d'Andreas Caminada, a Farschno.
«Gault Millau» reparta puncts
Qua datti ina stgala tranter 1 e 20 puncts.
Sch'in restaurant ha tranter:
13 e 14 puncts, vegn el premià cun in simbol d'ina chapitscha da cuschiniers
15 e 16 puncts, vegn el premià cun dus simbols d'ina chapitscha da cuschiniers
17 e 18 puncts, vegn el premià cun trais simbols d'ina chapitscha da cuschiniers
19 e 20 puncts, vegn el premià cun trais simbols d'ina chapitscha da cuschiniers
Sch'ins ha gust da mangiar en in tal restaurant che ha l'onur d'esser premià alura chattan ins las valitaziuns avant il restaurant vid ina tavla.
Magazin «marmite» ha chattà buns restaurants en il Grischun
Nus avain discurri cun Andrin Willi, manader publicistica tar il magazin da spaisas e bavrondas «marmite». El ha tranter auter sclerì, nua ch'ins po consumar el Grischun in bun menu – per in bun pretsch.