Rusnas nairas attiran cun lur gravitaziun materia. Uschia è quai en realitad sco era en il gieu. Ed era sco en la realitad è la finamira da betg vegnir tratg en ina rusna naira.
En «Orbit» tarmett'ins planets sin via enturn rusnas nairas, intginas attiran, autras stauschan davent. La missiun è da crear ina circulaziun stabila. Sco tar mintga gieu cumenzi relativamain simpel ma i vegn adina pli difficil: Cura che planets han lur atgna gravitaziun ed influenzeschan auters planets en lur orbit ston ins ponderar bain.