Il chantun Friburg n'è betg ina destinaziun turistica uschè enconuschenta sco il Vallais u il Grischun. Blera glieud visita quest chantun be per in di e parta suenter puspè. Quai vulan ils Friburgais dentant midar e sa far in num sco destinaziun turistica.
Ina nova spierta è da curt vegnida inaugurada: l'uschenumnà «latsch da cor» (Herzschlaufe). Quai è ina ruta per electrobikes, che maina 70 kilometers tras la cuntrada friburgaisa per lung dal flum Sense.