Siglir tar il cuntegn

Header

audio
club da skis
MAD
laschar ir. Durada: 2 minutas 48 Secundas.
cuntegn

100 onns Club da skis Sarsura Zernez

Il club da skis è vegnì funda il 1918. Quai oravant tut per far turas da skis. Ozendi stattan las occurrenzas en il focus.

Promover la cumpagnia, giudair ensemen aventuras sin las muntognas en vischinanza da Zernez – quai era lidea dal Club da skis Sarsura da Zernez.


Ozendi na stattan però betg pli las turas en il center. Percunter èn las occurrenzas en il focus. Il club organisescha mintgonn diversas cursas da ski alpin ed er da passlung. Il club promova talents giuvens en questas disciplinas.

Il num vegn dal Piz Sarsura
Il Piz Sarsura tranter Zernez e Susch è cuntanschibel da diversas varts per far turas da skis. I sa tracta dad in piz apprezià cun ina vista enorma. Quai è era stà il scopo daco chins ha tschernì quest num per il club da skis.


Statuts èn 100 onns vegls
Ils protocols dals emprims 20 onns èn sparids. Uschia è era listorgia dals emprims onns ida a perder. Lunic indizi chil club po festivar il giubileum da 100 onns èn pia ils statuts – quels èn dal reminent anc oz valabels. Tenor il president dal club Guolf Denoth saja finamira dactualisar quels a las basegns actuals dal club.


Sonda ils 2 da zercladur 2018 ha lieu la festa danniversari. Il club da skis organisescha ina tschaina per ils radund 150 commembers. Passa 300 fotografias veglias èn vegnidas ramassadas e raquintan listorgia – in inscunter per giuven e vegl, per sa regurdar dals temps passads, ma er da quels che spetgan anc sin il Club da skis Sarsura.

Dapli da «Total local»

Scrollar a sanestra Scrollar a dretga