Il cumpliment dad oz va d'ina mamma a sia figlia. La mamma Giovanna Molinaro da Valchava engrazia da cor a sia feglia Catarina Bott per tut quai che Catarina fa per la mamma. In grond engraziament vala cunzunt a las bunas turtas senza farina che la figlia prepara aposta per la mamma che na dastga betg mangiar products da farina.
Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.