Sch'ins avra l'app cumparan l'emprim divers temas sco «Endlich richtig Reden» u «Redeangst umwandeln». Lura pon ins eleger la tematica e survegn blers cussegls e tips sin tge ch'igl è da guardar per tegnair in pled (p.ex. per la festa naziunala). L'app porscha er intgins exempels da tun.
Pleds d'emprim d'avust
Il tema da tegnair in pled è uss fitg actual. Sper fieus artifizials e brunchs da purs tutgan er ils pleds tar las tradiziuns da la festa naziunala svizra. Uschia vegnan l'emprim davust tegnids en tut 40 pleds en il Grischun. E quai en differentas regiuns dal chantun.
