Marion Anne Perrine Le Pen ha 48 onns ed è la giuvna da trais soras. Ses bab è il radical da dretga e fundatur dal Front National Jean-Marie Le Pen. Sia mamma, Pierrette Lalanne ha lavurà sco model.
Marine Le Pen ha fatg la matura e lura studegià giurisprudenza a Paris. Fin il 1998 ha ella lavurà sco advocata. Dapi lura è ella sa concentrada cumplainamain sin la carriera politica.
Cunter Euro, Nato ed UE
Politicamain stat Marine Le Pen cleramain a dretga. Sch'ella daventass presidenta vuless ella extrar da l'Uniun europeica, da l'Euro e da l'allianza militara Nato. Limitar l'immigraziun e cumbatter l'islam radical èn ulteriuras finamiras da Marine Le Pen.
Adina puspè lingias grassas
Actualmain è Le Pen maridada per la terza giada, quai cun il vicepresident da sia partida, Louis Aliot. Per lingias grassas ha ella er procurà en il parlament europeic nua ch'ella duai avair malduvrà daners per emploiads e per sia partida.